ممكن يا بلدى فى لحظة أنده عليكى وأقول.. ممكن أقول يا بلادى بقينا زى الغول.. كلام كتير يتقال والشعب بقى معلول.. جتته ضعيفة وخالصة من كتر أكل الفول.. واللحمة بقت من الماضى بقى ده يا ناس معقول.. ناكل فى جبنة قديمة والمش جنب الفول.. وياه طلب طعمية بس العيش مشغول.. أصله فى أزمة كبيرة ما أنا كنت بقول.. ممكن يا بلدى فى لحظة أنده عليكى وأقول.. ممكن يا بلدى فى يوم تتعدل الأحوال.. ممكن يا بلدى نقول ويرجع الموال.. ممكن فى بسمة عريضة والنكتة كمان تتقال.. ممكن فى قعدة هنية ولمة وسط العيال.. ممكن أعيش مرتاح ويكون كلامنا عال.. أنا مش طالب كتير أنا عايز أقول موال.. فى حب بلدى الجميلة بس سيبها يا خال.. خليها تفرد إيديها كاتمين نفسها ليه.. ده انتى بلدى والله وانتى ذنبك إيه.. ده ناس تانيين قاعدين متمسكين وإيه.. وبكرة وانتى بلدى هتبقى حلوة أمال إيه.. ممكن يا بلدى فى لحظة أندة عليكى وأقول.. وأتمنى بكرة يمشى ويحل عنا الغول!
