يا غاوى مناصب.. وكتر كراسى.. عملت لبلدك إيه؟ عطلت المراكب السايرة.. لعشق الكراسى.. اللى انت شاغل روحك بيه.. مكوّش على كل المناصب.. ولا منصب ناجح فيه.. ما هو صاحب بالين كداب.. وصاحب تلاثة منافق.. يا سعادة البيه.. باحتكارك للمناصب.. بتحرم كوادر كتيرة.. من خدمة بلدها.. وتملك المهارة.. وآخر شطارة.. وأى عمل تبدع فيه.. وانت شغال مستشار.. للمدير الفلانى.. والعضو المنتدب فى المكان العلانى.. ورئيس مجلس إدارة شركة الإنتاج البهلوانى.. وكل مكان.. الفشل الذريع بادى عليه.. لو فى إديك منصب واحد.. هتتقن عملك.. وأكيد هتنجح فيه.. بلاش أنانية.. وسيبك م النرجسية.. وأعطى الفرصة لغيرك.. وكفاية اللى حصلت عليه.. طوعت القوانين.. وكسبت ملايين.. والغلبان مش لاقى حيط يداريه.. كفاية عليك كفاية.. ورجّع المال اللى مش من حقك.. الغلابة أولى بيه!!
مدير عام سابق
