وطنى حبيبى يا كل الوجود يا بلسم آهاتى وعطر الجدود
بحبك محبة ماليها حدود أضحى عشانك أحطم قيود
حبك فى قلبى يداوى جروحى باحسد فى نفسى وباحسد فى روحى
بحبك يا وطنى وعشقك فريد أبعد أسافر أروح لبعيد
يبكى فؤادى وينزف وريد ألاقى لهيبى وشوقى يقيد
والغربة بعيدك أعيشها مرار أرجع لحضنك فى أول نهار
بحبك يا وطنى بحبك بجد أهاجر بعيدك إليك بتشد
مش ممكن جمايلك فى يوم تتعد فى حزنى بالاقى إيديك تتمد
بعيدك بتصبح حياتى آلام ألاقى طريقى شوك وضلام
بحبك يا وطنى يا شمس الزمان يا بحر المودة ونبع الحنان
حبك فى روحى فريضة وأذان وقلبى بيعزف بحبك كمان
بعيدك بتصبح حياتى سراب أوصل مطارك أبوس التراب
بحبك يا وطنى محبة وجنون وحلمى بعيدك بيصبح ظنون
خيرك مضلل وطارح غصون أضحى عشانك حياتى تهون
عهدك ومهدك تاريخك ونيلك طاهر ترابك وقلبك دليلك
