ماتراهنيش على طيبة ناسك.. وبلاش عندك يركب راسك.. إقرى دروسك.. هاتى كراسك.. ألف باء.. إحنا أساسك.. وسط العالم همزة وصلك.. نيلك ليلك تلاميذ فصلك.. بره وجوه زينة عصرك.. عزمك عملك ضربة فاسك.. إحنا منارة وطوق فى الفرقة.. روحنا فداكى وماهش فارقة.. ليه سايبنا لبرد الغرقة.. وإحنا الدفا واسألى إحساسك.. ليه يا بهية مستقوية ومستعفية.. حاجى علينا افتحى قلبك للحنية.. داوى جروحنا من إنجيلك والصمدية.. نادى علينا كل قلوبنا تكون حراسك.. ألف.. باء.. إحنا أساسك.
كفر الدوار - البحيرة - ش الجيش
