يا حكومة حرام عليكى.. قربت خلاص أطق.. بأدفع لك كل حاجة.. ولا عمرى قلت لأ.. وميزان العدل يحكم.. أنا لىّ ألف حق.. من حقى أعلم ولادى من غير دروس.. وآكل رغيف من غير سوس.. وأتعالج ما أدفعش فلوس.. أشرب ميه نيلنا نضيفة.. وموظف يعاملنى معاملة لطيفة.. وما أقفشى ساعة عشان تشريفة.. من حقى.. ألاقى شوارع خالية مطبات.. وأخلص ورقى بدون دمغات.. ومصالحى تمشى من غير هات.. ابنى وأخويا كمان يتوظف.. وشارعنا زبالته ياناس تتنضف.. وضرايب ظالمة ياريت تتوقف.. من حقى.. فى نائب ييجى من غير تزوير.. وقانون يحاكم أى وزير.. وحكومة تبطل بقى تبذير.
