يا ترى يا أمى يا مصر وخدانى على فين؟.. سيبينى بقى وروحى جنب كل المدفونين.. سيبتينى لحكومة نظيف تدفنى مع المدفونين.. أهو قاعد مرتاح فى القرية الذكية.. وبعض وزرائه عنا مشغولين بمشروعاتهم الاستثمارية.. كان همنا فى عهدهم نعيش عيشة هنية.. لكن كل يوم بنلاقى فى عهدهم العيشة هى هى.. تصريحات.. أزمات.. احتجاجات.. اعتصامات.. واللى يتكلم ويعترض الحكومة تقوله أبوك السقامات.. هو إنتى يا مصر مش أمى زى ما إنتى أمهم.. ولاّ خلاص.. بعتى ولادك خلاص لجوز أمهم.. يارب يا أمى يا مصر يتشالوا كلهم.. علشان يعرفوا إنك مش أمهم لوحدهم!
المستشار الاقتصادى بالمعاش
