الصبر من كتر صبرى اشتكى منى.. وقاللى كفاية حرام إبعد بعيد عنى.. لحد إمتى حتفضل كده جنبى ملازمنى؟..
تلاتين سنة كابس على نفسى.. ما حسيت فى يوم سبتك ولا انت سايبنى.. علشان قليل الحيلة متمسك أنا بيك.. والحالة ضنك ومستعصية إلهى ما يوريك.. وفى كل صلاة بدعيلك ربنا يخليك.. يا صبر من غيرك إحنا كنا هنعمل إيه؟..
لولاك يا صبر علينا لشربنا حمض فنيك.. صبرنا ليالى طوال والزمن مننا ساخر.. وكتبنا مواويل وبرضه ماهُش فاكر.. وساكتين على دا الحال النهارده وباكر.. وأملنا فى الصبر وخالقه يوم يجيب الفرج.. والصبر مهما طال هيكون له أكيد آخر.
فيكتوريا
