وقت الغارة قالونا طفوا النور.. وراحت الحرب.. ونسيت بلدنا تقيد النور.. حتى حياتنا صارت ضلمة وكل الدور.. تقرا سياسة تلاقيها ضلمة.. تخش مدارس شايل معاك الشمعة.. وتلقى مرشح اسمه كمان أبولمعة.. عندك واسطة تخش الجامعة.. عندك عقل من غير دعم.. تلاقى عيونك باكية ودامعة.. عندك قرش دواك موجود..
أما الفقرى يروح للدود.. عندك كرش وعندك قرش المم.. تلاقى حاجتك فل الفل من غيرهم.. عايز رخصة.. هو سؤال خالك مين.. وأى مخالفة.. تروح لسلامة وعم أمين.. عايز شقة.. قرعة وقرعة.. عايز فيلا.. تعالى بسرعة.. ماتيجو بجد نقيد النور؟
