نفسى أشوف الكعبة بعينى قبل ما عينى التانية تروح.. ألمس ستايرها بإيدى وعطر نبينا فى قلبى يفوح.. أصلى كبرت وخايف تيجى عيلتى قبل ما أحج تنوح.. طلعت معاش ولادى سيبينى أصل الدنيا ملانة جروح.. دول دايماً فاكرين ينسونى فين لو نسيوا وقالوا نروح.. مش شكوى لغيرك ربى حاشى وكلا لغيرك أروح.. أنا بس بفضفض مع نفسى طبعاً ف حدود المسموح.. أهى عيشة وبعديها بدعى وكلى أمل كلى طموح.. أقابل رب يغفر لى وأشرب من حوض حبيب الروح.. ولو إنى نفسى أشوف الكعبة قبل ما عمرى كله يروح.
مدير ومحام
