عايزنى أشارك فى المسرحية.. أصحى بدرى وأنزل الصبحية.. وأعمل أكنى فى ديمقراطية.. أدى صوتى لفلانة الفلانية.. وصوتى يروح لفلانة تانية.. قاعدة فى حتة تانية.. لا والنبى يا خويا حشارك مرة تانية.. وغلاوتك عارفة إن صوتى أمانة.. والموضوع كبير والناس مش دريانة.. بس أنا حخلى الأمانة عندى حبتين.. لحد ما كل شىء يصبح عال وزين.. مش ناس تنجح بحق وناس تنجح بصوتين.. الكلام ده بينى وبينك والدنيا مش سمعانا.. أنا مانتخبتش النوبة دى وصدقنى مش ندمانة.. عشان لسه عندى أمل إن حيجى اليوم الصح اللى حرد فيه الأمانة!!
