قالوا ممكن ينعدل المايل.. قلت مش بعيد على ربنا.. قالوا طالت بلوة الاختبار.. قلنا نجحنا فى الاختبار كلنا.. قالوا صحيح شعب صابر.. قلت أيوب النبى عمنا.. قالوا مين يستحمل دا كله.. قلت مافيش حد قدنا.. قالوا ممكن يعود الرخاء.. قلت بدعاء الغلابة مننا.. قالوا إزاى تكفيكوا لقمة.. قلت الحمد لله ردنا.. قالوا يا سلام عليك شعب.. قلت رحمة ربك سترنا.. قالوا اللى يقع ما يقومش.. قلت مين قام زينا.. قالوا فراعنة صحيح.. قلت الأصالة فى دمنا.. قالوا بنيتوا الأهرامات.. قلت بناها بعرق جدنا.
مهندس
