العين عليها والسهام مترشقة.. دارفور بتشكى صوتها يوجع فى الجولان.. غزة بتنزف صوتها واصل للسودان.. وكل دولة فيها حتة مشققة.. قالوا سلام.. قولنا آمين.. وفى ثانية رحنا مسلمين.. غصن الزيتون كان فى الشمال.. بس الخناجر فى اليمين.. العيب فى مين.. حكامنا ولا المحكومين.. احنا اللى كانوا بيعملولنا حساب زمان.. بقينا ليهم مذلولين.. احنا الحضارة والعراقة والتاريخ.. بقينا ليهم محتاجين.. يا أمة قومى اتحركى.. فوقى بقه.. لإمتى راضية بالهوان.. ولإمتى لسه مصدقة.. إن فى سلامهم فيه أمل.. عمر اللى ضاع ما يعود بغير علم وسلاح.. وصناعة قادرة تحققى بيها النجاح.. سامعة كلامى؟.. فاهمة كلامى؟.. ولاّ مصيرى زى غيرى.. غنوة وتاخدها الرياح؟!
