ضحك على دايرته.. وقال يا أهلى يا أحباب.. أنوب عنكم وأتكلم.. ملعون الظالم فى كل كتاب.. م اللى واكلِنها ولعة.. ومخليين عشيتكو هباب.. لازم أبهدلهم وأعرفهم.. إزاى يكون الحساب.. من يوم ما كلتو المش.. بالدود اللى كان أسراب.. والرقعة ف هدمكو باينة.. سطح ومالوش مزراب.. والغش اللى انتشر.. مع دخلة الأغراب.. والاسم قال ننفتح.. والفعل ينصب النصاب.. أنا اللى ناوى أصحح.. وأخليكو تاكلوا كباب.. والناس يا عينى صدقت.. ورشحوا الهلاب.. وقعد صاحبنا مطرر.. فى مجلس النواب. لا أصله كان باشا.. ولا حتى كان بواب.. يرفع إيديه ويوافق.. ولا يعرف الأسباب.. راكب حصانه.. ماسك لسانه.. قافل عليك الباب.. الله أكبر على نفخته.. أصل البعيد كداب.
المحامى
