فى مصر واكلين الأونطة.. م الصعيد لحد طنطا..
امتى هتعودى لمكانتك.. ولا احنا بندن فى مالطة.. ورثوكى وقسموكى.. لأ وإيه كمان باعوكى.. وقبل ما انتى تودعيهم ودعوكى.. إحنا ليه بنتهان فى أرضك.. ما تموتيش واقعين فى عرضك.. قومى صدى قومى ردى.. عمرهم ما هيهزموكى.. يسرقونا ونجاملهم.. يضربونا ونحايلهم.. هو نيلنا ولا نيلهم.. غرقونا وغرقوكى.. روحتى فين يا بلدنا ردى.. حتى طب ناخد وندى.. كل حاجة بتبقى وردى.. واما تقلب بيبيعوكى.. ارحموها وارحمونا.. انتوا غاويين تتعبونا.. واما نيجى نقول تعبنا.. تيجوا بالسم تداوونا.. العيون بالسحر مالت.. لما زاد الحزن خانت.. واما عيشتنا استحالت.. قالوا دى بلد أبونا.
