جرجس أفندى حبيبى وصاحبى وساكن جارى بقاله سنين
وقت الفرح ألقاه يشاركنى ووقت الجرح أشوفه حزين
وإما يشوفنى بأصلى وادعى بأسمع صوته يرد آمين
وفى رمضان بيراعى شعورى حتى تحس إننا صايمين
ولما العيد بيهل علينا ما بيفرقش العيد ده لمين
أحمد يجرى يهنى فى مينا وبطرس يحضن عم شاهين
أرضنا واحدة ونبضنا واحد عمر ما فرق بينا الدين
وعمرى ما قلت مسيحى ومسلم علشان كلنا مصريين
جنب الجامع تلقى كنيسة وبنتنا مريم أخت ياسين
وأحمد زارع غيط مع عيسى مليان حب وفيه عايشين
ومهما يحاولوا يفرقوا بينا إحنا ح نفضل متحابين
فوق شفايفنا تشوف الضحكة وجوه قلوبنا تلاقى حنين
أرضنا واحدة ونبضنا واحد علشان كلنا مصريين
قصر ثقافة المطرية
