عروستنا حالتها بقت حالة.. إهمال وروايح وزبالة.. صناديقها مقابر شرعية.. الكيس يموت مية حالة.. صورتها صبحت مش هية.. لا شكاوى نافعة ولا قوالة.. لو روحنا شوارع خلفية.. فى ثوانى نكون على نقالة.. صناديق زبالة فرنسية.. اتسرقت وبكل رذالة.. والكل عارف فين هية.. لا عم بيسأل ولا خالة.. البحر يوماتى بيتنضف.. وشوارع سكن البهوات.. وشوارع تانية بقت تقرف.. غرقانة مية وفضلات.. والباقى ربك بقى يلطف.. عايشين فى عداد الأموات.. فين جمالك يا اسكندرية.. يا ساحرة عيون الخواجات.. وحضارتك شاهدة وتاريخك.. على إنك أم الحضارات.. ربنا يصلح أحوالك.. يا عروسة فى كل المجالات.
