قالوا عليك وعلى الأعضاء.. بتحلوا مشاكل أعباء.. هتحلوا الألفية الجاية.. مشكلة الشعب المستاء.. هتحلوا مشكلة الماء.. ومفيش عيل هيقول واء.. إلا وهيرتوى بهناء.. انتخابات انتخابات.. حتى الأكل ظهر الحل.. ظهرت وفرة ومش هتقل.. هنعلمك إزاى تصطاد.. وتجمع فى ثمار وحصاد.. ما هى دى بركة الانتخابات.. انتخابات انتخابات.. جينا للعلم وللتعليم.. وفرة.. مدارس صرح عظيم.. ومفيش حد هيصبح أمى.. بالعلم هنصلح ونمى.. أصل العلم منارة وفهم.. بيفتح عقل الأولاد.. الله عليكى يا انتخابات.. عاوز شقة محتاج تسكن.. محتاج تتجوز وتخلف.. طب ليه ساكت خد فى السابع.. دى عماير من غير ترخيص.. من غير ميه إيه المانع.. ولا كهربا ما تجيب فوانيس.. ليه زعلان ليه حيران.. عندك دورة فى البرلمان.. بتقولك فى انتخابات.. اصرخ قول اطلب ثور.. وصل صوتك للمحتاج.. بس اطلب فك الأزمات.. منهم أزمة الإسكان.. انتخابات انتخابات.. طبعاً من ضمن الأزمات.. لازم أذكر المواصلات.. أذكر أزمة ميكروباصات.. مينى باصات.. أتوبيسات.. مهما اختلفت الأسماء.. فى الآخر اسمها أزمات.. حتى فى السير يا حضارات.. مين بيلزم الحارات.. كله بيكسر فى الإشارات.. بس خلاص افرحوا يا ولاد.. من ضمن شعار الانتخابات.. حل مشاكل المواصلات.. انتخابات انتخابات.. أزمة تشل وخلق تعل.. ومفيش حد عارف الحل.. كل اللى يهم الأعضاء.. أصوات الشعب المستاء.. علشان يوصل كرسى المنصب.. ويكون عنده حصانة كمان.. شهرة.. مال.. جاه.. آمال.. ومش مهمة حياة أجيال.. دورة تمر ومش هتضر.. واللى يفكر فى المستقبل.. يترشح فى الدورة الجاية.. انتخابات انتخابات.
