إنت خسرت الرهان.. عد يا سيد خيولك.. هتلاقيهم ناقصين حصان.. يمكن غضب يمكن هرب.. يمكن يكون مات كمان.. واعمل عبيط واعمل سعيد.. وقول إنه كان أسوأ إنسان.. خسرت كل نظرة حب فى الحياة.. طمست بإيديك كل نور الشمس.. وقتلت خير الأرض.. ومعاها مات الضياء.. واد مسالم وطول عمره حالم.. لكن جبته فى يوم ووديته اللومان.. طلبت من ورد الشجر يا ظالم.. يكون سجان.. طلبت منه يكون فرس.. ومسكت يا طاغى اللجام.. ونزلت فى الخلق ضرب.. وسرقت جعبة الأحلام.. لكن أطمنك يا سيد خلاص خلص الكلام.. معدناش يا سيد زى زمان.. وهرب الفرس والخوف من عيون الناس.. وبقى فى قلوب الشعب سيف.. فخاف يا سيد ولا مساس.. والحق اهرب يا ظالم.. وسابق السحاب.. خلاص قرب يا ظالم.. فى الدنيا.. ميعاد الحساب..
طالب بطب إسكندرية
