عم صابر لسه صابر.. نفسه يعرف بس آخرة صبره إيه.. كل حاجة يا دنيا فيكى معاندة ليه.. حلم عيلته من طفولته إنه يبقى وكيل نيابة.. يبقى سيف للحق يحمى مرة بيه ضهر الغلابة.. ينصف المظلوم يجيبله.. حقه من بق الغلابة.. شد حيله عم صابر.. قاسى واتحمل وعافر.. بس جت ساعة النتيجة قالولُه بره.. أصلك انت مالكش واسطة.. قال وماله.. حلم ضاع راح ييجى غيره.. حلمى لازم يوم مسيره هاشوفه فى ابنى.. عاش ورزقه ربنا ولدين وبنت.. ربى فيهم إن مصر دى أمهم.. نيلها خيره بيجرى جوه فى دمهم.. يعنى تبقى أغلى من أبوهم وأمهم.. وأما ابنه شد حيله واجتهد.. قال احقق حلم أبويا والبلد.. برضه جت ساعة النتيجة قالولُه بره.. أصلك إنت مالكش واسطة.. وعم صابر لسه صابر.. نفسه يعرف بس آخرة صبره إيه؟!
dr.ayman44@yahoo.com
