على رشوة فتح المطوة.. والكدب ف طبعه أصيل.. يكتب على وشه التقوى.. وإيديه أطول م النيل.. فضيت فى الأزمة جيوبى.. وأجيب من فين يا حبيبى.. على جثة دخلى يا غالى.. كذا ألف ملف ضريبى.. يشرب ع الريق البيبسى.. أشرب من زفت مراكب.. يقعد مجعوص ع الكرسى.. أقعد مقموص على قالب.. يقاسمنى فى قوت عيالى.. ويقول ع الرشوة حلالى.. على مطوة بكل بجاحة.. يطلب بالصوت العالى.. خفف دلوقتى وهدى.. وارحم صندوق النقد.. بعد الأزمة ما تعدى.. خد جيبى وسلة ورد!.. حقك محفوظ يا أنانى.. بعد الأزمة ارجع تانى.. افتح درجك ع الآخر.. واشفط قلبى ومصرانى!!
