صدق اللى قال ابن الوز عوام.. لو كح كحة يلحنوها أوام.. ويعملولها شريط ويبروزوها كمان.. ويكتبوها للمريض على إنها برشام.. وتسمعها فى الأوبرا تقول يا سلام.. صدق اللى قال اللى بنى مصر كان فى الأصل عوام.. ابن الوز فى بيت العز طالع نازل.. ابن الوز فى أولى ثانوى أخدها منازل.. ابن الوز دا نجم السيما.. ياخد الأوسكار ف التراسينا.. ابن الوز حريف كورة زى أبوه.. ابن الوز سياسى مخضرم للى جابوه.. ابن الوز ف بيت العز يا سيدى عليه.. وابن البطة السودة يا عينى فاحت نازل جوه القبر كدا برجليه.
