فى المقطم انفجار.. فى الدويقة انفجار.. والعبارة لما غرقت.. مش برضه انفجار!.. والشورى لما اتحرق.. ما هو برضه كان انفجار.. إوعك تفكر أن سعر العدس راخر.. للفقير مش برضه أصبح انفجار.. والغلا فى كل حاجة.. فى الملابس والمساكن.. وحتى فى لقمة الفول المدمس ما هو برضه انفجار.. ليه يا مصر؟.. دانتى فى الزمن اللى راح.. أيام عبود وطلعت حرب كانوا عشرة مليونيرات مخلصين.. دلوقتى المليار جنيه.. مع الرقاصين والهبارين.. فى السودان واليمن كان الجنيه المصرى بميت ريال.. دلوقتى أصبح ما يساويش القرش صاغ.. برغم إنك يا مصر جنة ربنا.. والخير كتير.. والنفوس مكتومة وسط حكامنا التتار.. والملياردير نسى كل المبادئ والقيم.. وداس على رقاب الفقير.. وبرضه لسه بندفن روسنا فى الرمال زى النعام.. فيه إيه يا مصر بعد الانفجار؟.. غير اننا نولع كلنا فى عز النهار!!
قبائل أولاد على
