أنا كنت غالى يا بلدى.. كنت غالى بجد.. وكنت اتباهى بهرم ونيل.. واتباهى بثورة وسد.. وكان جدرى ضارب فى التاريخ.. وراسخ زى الوتد.. وإن تاريخك يا بلدى خالد.. وباقى على طول الأبد.. ماكنتش أعرف إن الخونة باعونى وباعوكى.. ونيلك وهرمك مبقوش يوسعونى.. ولما جيت أطلق لسانى.. قصوا لسانى وبالطوارئ لسْـوعونى.. باعونى يا بلدى حتة حتة.. بعد ما نضفونى ولمعونى.. واحد قال نبيعه باليورو وتانى قال بالدولار.. والتالت قال آخره جنيه، زيه زى أى حمار.. وركبونى العربية.. وكمان غموا عنيا.. وركب السايس على ظهرى وقال شى.. فين ما أسوقك امشى ومتتكلمشى.. مص دمى وهملنى.. باعنى بعد ما حملنى.. كنت يا بلدى فى كابوس.. كان فى ليلة صيف.. كان مزعج ومخيف، جانى فى الكابوس أخويا القرد.. قالى نصيبك فى البلد ضعيف.. احنا اشترينا الهرم والنيل.
