تعرف تغش تعرف تخون.. وتخلى غشك يملى العيون.. وإياك تغمض يوم فى الجفون.. وسّعلى وشك ف زمن الجنون.. ده مفيش عيون فى أى وش.. إخلاص خلاص بح ومفيش.. لازم تنافق علشان تعيش.. والغش ماشى ما بينتهيش.. زى الكلاب لولو وكانيش.. وأحلى حاجة تلاقاها مش.. تعرف تتهته ساعة الكلام.. تعرف تقول طيب وحاضر.. وزى ما تصحى برضك تنام.. وارجع اصحى لو كنت شاطر.. وخلى المعدة تعوم تفش.. وتنام مفتح كل العيون.. الناس دى ليها ميت ألف لون.. وبدال ما توصل يوم للجنون.. اعمل حسابك كله يهون.. حتى الضمير بنقوله هش.. تعرف تغش؟
