سايب حقى.. قافل بؤى.. وماسك كلمتى وكاتم.. كيانى ماعُدتش متبقى.. حقوق بتضيع وناس بتبيع.. لسان مربوط ومال سايب.. وافقت كمان على التطبيع.. بصدّر غاز ومش هايب.. وراضى بللى مش مقبول.. ومقدرشى أقول لو بم.. عادى إنى أعيش مذلول.. ومن إمتى كنت أهم؟!.. مجرد شىء ملوش تعبير.. فقدت خلاص صفة إنسان... وفى حزن المآسى خبير.. وابسط حاجة إنى اتهان.. واحب أموت فى مواصلة.. واحب أكل رغيف مغشوش.. وبلاوى كتير أوى حاصلة.. عيون الحق ليه تاهت.. غلبها الخوف وغماها.. وقلوب لونها لون باهت.. مفيش ولا حاجة هماها.. حياة بالنص مقسومة.. بلدنا بتنصر الأقوى.. حكاية وأظن مفهومة.. ملوش فيها الضعيف مأوى.
