ف مصر فى «المعونة».. و«إخوان» صدعونة.. ومعارضة.. شوية مرضى.. وهلاهالله.. ع اللمونة.. ف مصر كلام جرايد.. وناس تكتب قصايد.. ف مصر خطوط حمرا.. وميت مليون مؤامرة.. وسياسة من غير كياسة.. عايزة تصليح وعمرة.. ف مصر اقتصادنا «سوق».. ركباه حكومتنا فوق.. عمالة تدوس علينا.. وتقولك بكرة تروق.. ف مصر فى «نظيف».. وأحلى وأرخص رغيف.. وحكومة إلكترونية.. وكام تصريح لطيف.. ف مصر الخير كتير.. بس انت اكبش وطير.. إيه يعنى كام مليار.. ولا انت عندك ضمير؟!..
ف مصر الحالة مايلة.. والناس كاتمة وشايلة.. واصبر ربك كبير.. وأهى برضه دنيا زايلة.. ف مصر فى انتخابات.. ورشاوى وموبايلات.. والشعب كله مشارك.. خصوصاً الأموات.. ف مصر خليك نبيه.. لكل كلام معانيه.. يقولوا «صوتك أمانة».. اصرخ أو خليك مكبوت.. ح تطلع أو تنزل.. مش أكتر من برغوت.. ف مصر عيش وعيش.. دا مفيش حاجة «مفيش».. يمكن تضرب معاك.. بس متنسانيش!
