باحلم بيوم العدل يسود ونحط فى عين العدو عود.. والدنيا دايما سيد ومسود وعدل المولى ما له حدود.. باحلم بمدينة جامعية أمان لولادى بعديه.. سلامى لحسام وزايد نور المولى بشعورهم قايد.. باحلم بيوم بعد اللوم برياسة جديدة لمدينة اليوم.. وفزعنى كابوس راجل منجوس أعادوه للسلطة من تانى.. أرجع وأقول آه يانى ح نعيد الكرة من تانى.. ويحكمها جاهل وحرامى بعيدا عن ذكر الأسامى.. بأنام وأصحى فى أحلامى ما بتتحقق.. وعلى الكوابيس بأصحى ألاقى الظلم يترقى.. وأعظم ناس قلوبها من الحزن بتتقطع.. يا رئيس الجامعة نرجوك جمع شملنا.. رفقاء السوء فى عصرك نالوا مننا.. وفى لحظة ضعف منك هدموا حلمنا.. حلمنا ضاع وضاع الحلم مننا.. رحم الله من كان يوما يضمنا.. حلمنا بتطوير المدينة اللى من الظلم حزينة.. حلمنا للتطوير انهار ودمانا بقت أنهار.. بأصحى وأنام وأعيش أحلام.. يشوبها كابوس من الأوهام.
