فينك يا خروف العيد.. ليه قاعد عنى بعيد.. جبت أنا سكينة حديد.. ولبست جديد فى جديد.. وفضلت أستنى العيد.. اللى يقرب كل بعيد.. قال إيه سعرك غالى.. وفلوسى فى خزينة حديد.. مفتاحها مع اللى صنعها.. وبابها قفله شديد.. عاوز أكسر أنا بابها.. قالوا كده تروح فى حديد.. طب أعمل إيه بهواك.. ومن غيرك ما يكونش العيد.. طب أعمل إيه وياك.. قولى يا خروف العيد.. قالوا مهرك غالى علىّ.. وسعرك عمال بيزيد.. طب أقسط حبة حبة.. قالوا برضه سعره بعيد.. طب أجيبك حتى صينى.. قال إيه لحمته قديد.. سمعت صوت مظاهرة.. جايه من أبعد بعيد.. بصيت من ورا شباك.. ستايره حديد فى حديد.. لقيت الناس خارجة.. بعد صلاة العيد.. تهتف وتهلل وتزعق.. يمكن تقرب البعيد.. قالوا بعلو الصوت.. وهما رافعين الإيد.. فينك يا خروف العيد.. ليه قاعد عنا بعيد!
المحامى
