غريب فى وطنى تايه وحيد.. ماليش مكان سارح شريد.. ساكت وصابر سنين طويلة.. لا حد سائل ومافيش جديد.. وطنى ده مولد وصاحبه غايب.. أزمات وفوضى وكله سايب.. خيرنا لغيرنا ما لينا نايب.. طول عمرنا دايماً بعيد.. مولد وصاحبه عمال يبيع.. لا همه حاجة نولع نضيع.. حجم الديون بقى شىء فظيع.. ويا ريت بننجز بها شىء مفيد.. غريب فى وطنى ماليش حقوق.. وكل مادى الحال يسوء.. ما حد عايش غير اللى فوق.. وإحنا فى بلدنا ولا العبيد.. وكأننا تحت المداس.. مالناش وجود من الأساس.. مافيش ضمير ولا إحساس.. داسوا ولسة حنشوف أكيد.. غريب ومنى ملايين كتير.. ونروح لمين مالناش كبير.. حال الغلابة صبح خطير.. وكل يوم آلام تزيد.. حكوماتنا دايرة تقول شعارات.. ووعود كتير وتصريحات.. يوم الخميس يوم التلات.. وكله كذب ولا بيفيد!
