ولا وردة فى بستانك.. ولا شمعة تنورى بيها أحزانك.. تواسيكى تعيش وياكى حرمانك.. ولاحد سأل فيكى ولا فينا.. ولا حاجة ترجع الأمل لينا.. بنترحم على أيام الملك مينا.. بقيتى خلاص يتوه الناس فى عنوانك.. كنتى زمان بيحلفوا بيكى وبنيلك.. وناس رافعاكى فوق الراس.. وناس فى عنيها بتشيلك.. ودلوقتى نسوكى خلاص.. يا بلدى ربنا يعينك.. يا بلدى اسكنى فيا يا مصر تعالى ضمينا.. بجد بتصعبى عليا فين إنتى وحشتينا.. تعالى اكتبى وصية نواسيكى وتواسينا.. ولو فرطنا فيكى يا مصر هتقدرى يوم تسامحينا؟
