زجاجة زيت شماتة: دلوقتى بقالى قيمة.. وكل البلد بتتكلم عنى.. بعد ما كنت إزازة زيت قديمة.. كلهم دلوقتى عايزين منى.. آه يا بلد ما يعجبهاش العجب.. فى الرخص زعلانين.. وفى الغلا تقولوا إيه السبب.. لما كنت فى سوقكم رخيصة.. وفى دكانى وحيدة حبيسة.. كنتم تبصوا عليا من بعيد.. وتقولوا: «لأ عايزين نوع جديد».. دلوقتى مش طايلنى.. ولو عايز تجيب أحسن منى.. هههههه إبقى قابلنى..
كيس عدس مستغرب: بيقولوا ده أنا العدس أكل الفقير.. أنا لا بحبه ولا ليا فى التقلية والتحمير.. آخر طبق كشرى أو طبق شوربة خطير.. طيب أنا بقى أعمل إيه؟!. يغلوا تمنى ليه؟؟!. وهلاقى مين دلوقتى يشترينى؟!.. لا الغنى بياكلنى ولا الفقير عارف يلاقينى!!..
رغيف فينو هفتان: جعااااان مبيأكلونيش.. حجمى صغر.. وشكلى بقاتى مفيش.. وتمنى على.. والناس بتقول ممعاييش.. محدش بقى عايزنى.. حتى أطفال المدارس.. خاصمونى ومبيكلمونيش!!
