بسافر.. واعافر.. واهاجر كتاجر.. أعيش الغربة بعيدك مرار.. ألاقى الوشوش ماليها البرود.. واشوف القساوة ماليها حدود.. أفكر بسرعة أرجع أعود.. وأحضن ترابك فى أرض المطار.. بسافر.. وأبعد اشوف المخاطر.. ماكانش طلبى ولا ليا خاطر.. ألاقى طريقى مغيم وماطر.. أفكر بسرعة أرجع أعود.. أطفى لقلبى وشوقى الشرار.. بسافر وأحاول أخدع فى روحى.. ألاقى بتكتر فى بعدك جروحى.. أحلم أحقق بعيدك طموحى.. ألاقى حياتى صارت دمار.. بسافر واعافر أسكن بعيدك.. وأنسى عنوانك ورقمى ف بريدك.. ألقى زيادة قلبى يريدك.. أحلف لأرجع فى أول نهار.. دا إنت الحبيبة.. وإنت القريبة.. نيلك وشمسك.. ناسك وهمسك طيبة وعمار.
