يا إرهاب طاغى جبان.. يا عدو لكل إنسان.. إنت ضايع منك حنان.. إنت ضايع منك أمان.. يا إرهاب طاغى جبان.. يا ملعون فى الأديان.. إنت شر فى شر.. خالى من إحساس بشر.. وملكش أى عذر.. تقتل وتجرى جبان.. أو تقف تدمر نفسك.. وتدمر كل مكان.. وضحايا أبرار لجهلك.. وتقول باسم الأديان.. أموال ومصالح تانية.. نواياك فاسدة تمام.. إذا كان خالق الكون.. خلّى الدنيا اختيار.. عمر ما رأى بيكون.. بالقوة أو بالنار.. ده أساس الدنيا حوار.. مش فرض ولا إجبار.. وقتل النفس الواحدة.. كبيرة ما لها أعذار.. والتوبة دايما عايشة.. توب تلاقى نهار.. ده فساد الدنيا كله.. يبقى فى إرهاب جبان.. ولا عمرك أبدا تقدر.. ده الحق وعد وأمان.. الخير خلقه الله.. والخير هو السلام.
