متكلبشين بكلبش حديد من جلادين وإحنا اللى عبيد.. ومغميين عنينة ومكبلين إيدينا.. نهارنا اسود كله ظلام وبقينا نصحى عشان ننام.. ونشوف صورهم ف الأحلام ويرعبونا من بعيد.. حياتنا كلها بقت احتلال وقيدونا بالأغلال.. وأكل عيشنا اختلط ما بين حرام وحلال.. ومفيش فرق بين الاتنين طعم الحلال ف بقى شين.. والعمر كله نعيشه بالدين وبامد إيدى للسؤال.. طريق الحلال عندنا مقفول واللى قفله مليون غول.. جيت اشتكى الظالمين مالقيتش ليه ولا مسؤول.. واستولوا ع الأموال واتعودنا ع الأغلال.. ومهما قولنا وقال قالولنا ناكل فول.. متكلبشين بكلبش حديد من جلادين وإحنا اللى عبيد.
