تيجى نطلب (حمدى الفخرانى).. يترشح فى الانتخابات.. ونخليه يكتب على صورته.. هايمثل عمال وفئات.. فى مجلس الشعب هايسهر.. يعدل أحوال البشوات.. نعمله دعاية على حسابنا.. لو حتى هانصرف ألوفات.. ونرشحه لرئاسة الدولة.. وتاريخه فوق الشبهات.. يعنى راح ينجح راح ينجح.. وهاياخد كل الأصوات.. ده كفاية رجّع للدولة.. أموال تتعبا فى لنشات.. وتسد ديون مصر بحالها.. اللى رهنوها القفوات.. وتكفى نجدد ونطور.. ونعلى مبانى الجامعات.. وتكفى نشيّد لشبابنا.. مصنع ونسكّنه عمارات.. وتكفى الناس عيشة كريمة.. ولا نقبل تانى مساعدات.. والأدهى يقولوا مصر فقيرة!.. والشعب المصرى شحات!.. وأتارى أهلها مظاليم.. وحاكمهم شلة عصابات.. صدقنى لو حمدى اترشح.. راح يكسب كل الجولات.. وهايبقى ضفره برقبتهم.. وبرقبة عواجيز أموات.. عاشوا أيامهم فى المجلس.. يخطفوا ويعدوا الإتاوات.. ويوافقوا ويبصموا ويناموا.. يحلموا يسكنوا منتجعات.. ويوافقوا على كل قانون.. متفصل لواحد بالذات.. صدقنى لو حمدى اترشح.. هانعيشوا فى تبات ونبات.
