أشاور بكفى.. وأقوله بيكفى.. جاى ليه تصفى.. دمى بإيديك.. يصفى ويشرب.. ولا مرة تتعب.. معدة أبووه.. ودايماً دمى جاهز.. ولو هوه عايز.. مجرد يقول.. أمبووه.. أمبووه.. أمبووه.. يا جثة يا هامدة يا أرض العروبة.. لا قادرة تشيلى بإيدك سلاح.. ولا راضية حتى ندافع بطوبة.. وتوبة.. توبة.. توبة.. ما أقول عليكى أمى.. لو سيبتى تانى دمى.. ليهم يشربوه.. من إمتى الأم بتسكت وولدها بيقتلوه؟!!.. وأشاور بكفى.. فى كفى قلم.. وحاسس بقلبى.. فى قلبى الم.. وصوتى أسير.. أسير انسجن.. كإنى بأغنى فى غفلة وطن.. وناس تصرخ وتسكت.. وناس ما بين وبين.. وإنتى يا فلسطين.. عايمة على بحر دم.. أيووه لو يبقى سم.. والواد يقول لأبووه.. أمبووه.. أمبووه.. أمبووه!!
