ياللى بتشكى من أحوال الزمان المر.. وعمال بتبكى ودمعك على الخدود بيمر.. الدنيا دواره واوعك تقول لنا لأ.. وما دام شربت العسل لازم تدوق المر.. الدنيا فى التشبيه أنثى ماشية على كيفها.. لو توسوس لواحد يطاوعها ولا يكسفها.. وكل حاجة تحبها له لازم تدوقه معها.. وقبل ما يتوب ضاع وسبق العذل سيفها.. يا دنيا عيب اختشى فعلك ظهر للناس.. والحر هج وطفش سكن الجبال واحتاس.. عليتى ناس فى الأصل ما كان لهم قيمة.. وابن الأصول اتقفل على بيته بالترباس.. بيبقى حبيبك عدو وبيسلط المخاليق.. ازاى يهد كيانك بالكذب والتلفيق.. وياما أحرار اختفوا فى ظلمة الأيام.. لجل كلمة قالوها البغل فى الإبريق.
فيكتوريا
