رغم أربعين عام وأكتر
عايش دايماً فى قلوبنا
مين قال ذكراه راح تموت
راياته مرفرفة فوق ربانا
افتكرت كلماتك يا غالى
والتراب بالتبر ينطق
فاكر صرختك وسط الميدان
فى كل شارع وفى كل غيط
الحياة كان منظرها أروع
يكفينا مد الإيد لغيرنا
والمدارس تربية وتعليم أصيل
الكيميا والهندسة وعلوم الإدارة
بتسألنى إنت عن الخراب
وفين الصناعة فين المصانع
مصر عمرها بلد الزراعة
وأصحاب الرأى المستنير
الفلاح أصبح يومياً يعانى
وأرضه يا حسرته باتت شراقى
افتكرت ليلة وداعك يا جمال
لما رحلت وانت ملاح المحال
رغم أربعين عام وأكتر
عايش دايما فى قلوبنا
ناصر لسه جوه القلب باقى
ذكرى حلوة تحكيها السواقى
وهو طاير فوق سمانا
وجاناحاته ضللت فوق البيوت
رجعت أرضى وقنالى
لما اتبنى السد عالى
صوتك كان معانا فى كل بيت
ومافيش مكان للحيتان
إنتاج بلدنا من إيدينا
والعمالة مدربة فى كل مصنع
علمت تلاميذها أصل الحضارة
من خيرة نوابغهم أحمد زويل
فين الزراعة وفين المزارع؟
باعوها الكبار برخص التراب
فين أبحاث أحمد مستجير؟
والبلد على وشك المجاعة
لما السماد سعره زاد
عطشانة رغم نيلنا فى البلاد
ومصرنا والقدس باتت حزينة
وبكى الرجال السمر فوق السفينة
انت لسه جوه القلب باقى
ذكرى حلوة للى عايش واللى باقى
