منين أجيب زيت للبيت بالفول ياكلوه.. طعم الفول من غير الزيت إخييييه.. وطبق بتنجان جاهز مستنى يقلوه.. صنف جنب الفول عيالى بيحبوه.. ليه التجار -فهمونى- الزيت خبوه؟.. وخبوا معاه حاجات كتير ليغلوه.. لحد فين واخدنا الغلا ما تفرملوه.. بينى وبين الفول عقد لا تفسخوه.. قالوا خد سمنة، قلت المدام تقول بووووه.. حالى بغير الزيت ما يسمح، فلتدعموه.. والفول كمان صديق الزيت وفروه.. فول فول راضى وعيالى بيشكروه.. أكل الفول ف البيت عيالى أدمنوه.. دا فيهم عيل يحرن لو السوس نقوه.. غلبت آهاتى وأقول عجل يقولوا احلبوه.
