الدورة الجاية هتبدأ
وهرشح نفسى عشانكو
وهوظف أهل الدايرة
وهخلى الأرض البايرة
وهوزع كل فلوسى
وهشغل كل تروسى
علشان أعرف مطالبكم
ما أنا غصب عنكم نايبكم
هقفل إعدادى وثانوى
ونسيب التكنو لغيرنا
ونخلى بنات أمريكا
بازابورت وفيزا هدية
طلبك على عينى يا فاتن
عربية لكل مواطن
محتاج دلوقتى لصوتك
وبحبك هادى وسلبى
علشانك أنت يا مرسى
وغايتها أقعد ع الكرسى
فى خلال أيام وساعات
يا إخوة ويا أخوات
وجواز للناس الحايرة
تطرح فجل وكرات
وأديها لأهل الحتة
وأتجوز منكم ستة
وأفضل طول عمرى حبيبكم
دا أنا حوت الانتخابات
وهدخل كله حضانة
ونجيب اللوبيا حدانا
وتلعب ع النت معانا
وألعاب ع النت وشات
النوكيا معاها الشاحن
وتويوتا كمان بالذات
بعدين محتاج لسكوتك
يا غضنفر يابو شنبات
هديلك جهدى وحرصى
واعتبروا نايبكم مااااات
