قلم وورقة.. تبقى أكيد فارقة.. أصل الحروف حكايات.. بنحكى فيها حاجات.. تمس قلوب البشر.. يحكمنا فيها القدر.. بنحزن عليها ساعات.. ونندم عاللى عدى وفات.. وأيام ورا أيام.. نرجع ونحكى كلام.. بيفرح المجروح.. وتمشى السنين وتروح.. ولسه القلم موجود.. وبحر الحياة ممدود.. يجرى فى عروق الناس.. يملاها بالإحساس.. ويكتب قلمنا نهاية.. فى ورقة حياتنا حكاية.. فيها الطريق مرسوم.. والدنيا فيها غيوم.. ويخلص المشوار.. ونلاقى جنة ونار.
