جرحى وجرحك يا بلد واحد.. دايما نكون الكل فى واحد.. واخدك فى حضنى يا حبيبة انتى.. دانتى شراعى والأمل واحد.. وارسم نخيلك لحن ع الأرغول.. واعمل كتافى سد وقت القول.. يا بلدى يا طيبة وأمى وعنوانى.. وانتى الولد والسند وإنتى المكن والنول.. واحكى لجيرانك والبعيد عنك.. عن اللى عشقه جارى فى دمك.. يا أم كل البلاد وعروسة الدنيا.. أرجوكى تتزينى عيشى ولا يهمك.. أرضك عظيمة منبتة فرسان.. بيذودوا عنك واسألوا رمضان يحموا عرينك لو عدو جالك.. أحمس دا ابنك والسادات ربان.. الفرحة واحدة جوه وديانى.. والبحر يحزن ويا أحزانى.. الطور بيحرس لما ييجى الجور.. والسد يعلى لو طوفان جانى.
