قالوا الفلوس بتغير النفوس.. أنا قلت لأ.. اللى عنده أصل يدوس به ع الفلوس.. قالوا اسكتى وإش فهمك ده القرش تاج على الرؤوس.. قلت الملك ملك من غير لا تاج ولا فلوس.. قالوا الفلوس تخلى الأخ يظلم أخوه.. والحق يقتلوه ويدفنوه.. قلت اللى يظلم أخوه عشان فلوس.. والله ما يستاهل رجله على الأرض تدوس.. أنا عندى كلمتين ومافيش بعدهم حاجة أقولها.. الفلوس بتغير النفوس الطماعة المريضة.. لكن النفوس المؤمنة والله ولو ع الحديدة.. ما تبص لمال الغير وبقناعة شديدة.. تعطى اللى محتاج أكتر منها الفلوس.. وآهى هى دى نعم النفوس.
