أنا عايز أسأل واستفسر.. وإحنا بنحتفل بعيد النصر.. والشعب فى عيشته متكدر.. فقر وبطالة ومجاعة.. قعدنا نقول كتير وقليل.. إحنا انتصارنا مالهوش مثيل.. ورجعنا نداوى فى إسرائيل.. نسقيها الغاز بالرضاعة.. السعر يعلى قبل العلاوة.. وأكلوا بعقولنا حلاوة.. ويلتقوا بالسيد المسؤول.. يقعد يتكلم كده ويقول.. يخدعنا بكلام معسول.. يرمى فشله على الشماعة.. إحنا أمرنا والله غريب.. الشعب مش لاقى الأنابيب.. وإحنا غازنا فى تل أبيب.. يكفيها ليوم الساعة.. دم العروبة بقى مفقود.. وإحنا ماشيين فى طريق مسدود.. بترولنا ياخدوه اليهود.. ويتحرق الشعب بولاعة!
