والله عشنا وشوفنا بعينا.. كيلو القوطة بعشرة جنيه.. قوللى يا حزب يا وطنى يا حاكم.. ناوى تعمل فينا إيه.. صبرنا كتير وآسينا كتير.. والرب كبير ولا يعلا عليه.. قلنا بلاش اللحمة بلاش.. حتى الفرخة مابنجبهاش.. يبقى كمان الصلصة يا ناس.. دا مرتبنا مايجبهاش.. رد يا حزب يا وطنى يا حاكم.. ولا حتفضل برضه طناش.. وبلاش والنبى كلمة مجنونة.. إلا مرارتى راح تنفقع.. ويا ترحلوا بقى وتسيبونا.. يا تلملموا كل ما وقع.. والمصرى الحر الأصيل.. عمر دمه ما يوم سقع.
عضو رابطة الزجالين وكتاب الأغانى
