اللى بنى مصر كان أصله حلوانى
ومصر هيه الأصل طول عمرها تعانى
من مفسدين العصر ترجع تقف تانى
بالمخلصين اللى زيك يا حمدى فخرانى
والله يا أبو ياسمين فيه وراك ملايين ملايين
ونطقت إنت بلسانهم طمنت المصريين
وكشفت فساد معروف فى محاكم على المكشوف
ماعرفتش أبداً خوف من ظالم ولاّ أنانى
والمحكمة قالت حقك يا مصر يعود
والكفة لو مالت رب السما موجود
طلعتى متكتفة بمعاهدة دولية
هيه صحيح مجحفة واللى اتفق جانى
قوانين جاهزة وتفصيل وبطانة من الترزية
والهامش لسه ضئيل فين مصر من الحرية
ربنا يحميك لبلدنا ويكتر من أمثالك
لساكِ يا مصر بخير بزويل ومعاه فخرانى
مهندس - الزقازيق
