سؤال بالطبع حير عقول.. إنت ليه بتحب مصر.. مصر بيتى أحلى قصر.. مصر أم لكل عصر.. مصر أمى وأبويا وجدى لحد آدم.. مصر أجمل بقاع الأرض فى العالم.. مصر شرّفها ربنا بورودها فى القرآن.. مصر بلاقيها فى شعبها الطيب.. مصر يحبها البعيد ويعشقها القريب.. مصر جمال والسادات وكمان مبارك.. مصر لو عرفتها ماتغيبش عن بالك.. مصر نجيب محفوظ وزويل وأم كلثوم.. مصر هى الرضا مهما أكون مهموم.. مصر بشوفها فى أحلامى زى طيف.. فيها الجدعنة والشهامة والدم الخفيف.. مصر فى معناها كل وطنى شريف.. مصر المساجد والكنايس متوحدين.. مصر تلاقى فيها دنيا وتلاقى فيها دين.. مصر فيها أهلى وبيتى وصحابى.. مصر ذكريات طفولتى وصبايا وشبابى.. عرفتِ ليه بنحبك يا مصر؟!
