أنا مش هدى صوتى غير.. للى قلبى ليه يرتاح.. ميهمنيش إن كان لابس بدلة.. ولا كان لابس فلاح.. أنا عايز المخلص الأمين.. مايكونش خاين للوطن وسفاح.. أنا هدى صوتى للى أحس معاه بأمان.. اللى يسقينى المية لوشافنى يوم عطشان.. أنا هدى صوتى للى قبل ما ياكل.. يأكلنى معاه لو شافنى مرة جعان.. أنا هدى صوتى لابن الأصول.. اللى طول عمره شبعان.. أنا هدى صوتى للى يحب الحق.. ويشيل الظلم عن الغلبان.. أنا هدى صوتى للى سمعته.. نضيفة فى كل مكان.. ماليش دعوة بالناس.. المعروفة باللف والدوران.. عايزين ناس تجيب حق الناس.. مش أعدين للتسئيف وخلاص.. وينهبوا قوت الشعب.. ومافيش دم ولا إحساس.. عايزين ناس معروفين.. بالصدق والأمانة مشهورين.. عايزين ناس تخاف من الحرام.. فين يا ناس تلاقيهم موجودين.
