يا حتة طينة كبيرة بتطرح الخير والحب.. يا تعب راجل شقيان يرويكى بعرقه اللى يصب.. يا أمل بكرة للطفل الطالع ع الأرض يدب.. يا رياح شاردة ع العدو واردة بالليل بتهب.. يا أصل الحب.. دا أنا اسمى ورسمى وجسمى حتة من طينك.. ودا دمى ولحمى متكون من مية نيلك.. فداكى روحى للى يفكر بس يهينك.. مش ممكن هقدر أكبر من دونك.. وبإيدى الشابة مع الأيام أقدر أعينك.. وأزرع رملك باللون الأخضر اللى يزينك.. لجل م يفضل مرفوع دايماً دينك وجبينك!
