أتى زمان العجب.. والعجب له دلالة.. أتاوى مفروضة علينا.. بظلم ورزالة.. زى فلوس النور.. وعليها رسم الزبالة.. وممكن ضريبة ع المجارى.. وعدد لفات الغسالة.. وكمان ضريبة ع البواب.. وأم عربى الشغالة.. وضريبة عشان بامشى.. وباقزقز لب فى الصالة.. وضريبة عشان بدندن.. وباحب أسمع أصالة!!.. وبكرة حيمصوا دمى.. لجل إعانة البطالة.. ودى ضريبة على بطنى.. عشان الملح والعطارة.. والأدهى ضريبة عقارية.. للعشة اللى جوه الحارة.. الناس وجن جنونها.. وماشيه زى السكارى.. ضرايب ضاربة فينا.. من طرح سود الحالة.. والأسعار وطايحة فينا.. بفعل التجار الحثالة.. جيوبى صبحت نظيفة.. وفرغت الحصالة.. من بكرة حيعلقونى.. فى محلات الجزارة.. وفيه مشروع قانون.. رسم حانوتى وبقالة.. فكرت أسيب عملى.. وأقدم استقالة.. وأعيش فوق جبل عالى.. ومعايا كلبة وغزالة.. بدل ما الفقر ملازمنى.. والنفس ميالة.. بس خايف لما أودع.. ليخدوا منى كفالة!!
عضو اتحاد الكتاب
